الجمعة، 14 فبراير 2014

استغلي تنوره قديمه في عمل شنطه حلوه ومفيده



اليوم موضوعنا عن كيف نستغل تنوره مستعمله في عمل شنطه جميله
انا سويت هالشنطه لاعمالي لما اكون طالعه من البيت



الخطوه الاولي
نجيب التنوره ونقصها بهالطريقه او بالطريقه اللي تحبونها ونخلي الجزء اللي بنستخدمه للشنطه


نقص قطعه جوخ نفس قياس الجزء اللي قصيناه من التنوره بهالشكل ونركبه داخل الشنطه عشان نعطيها شوي سمك, ونقص قطعه قماش بنفس الحجم للبطانه ونتركها علي جنب لاخر خطوه
مو مهم لون الجوخ لان راح نبطنها بقماش اما اذا كنتي ما بتبطنيها اختاري لون مناسب
ملاحظه: ممكن تستغنو عن الجوخ اذا ما كنتو تحبون انها تكون سميكه


الخطوه الثانيه
نقص قطعه قماش بعرض 4 انش حسب قياس الشنطه ونركبها بالجزء السفلي حول الشنطه


نثبت شريطتين بلونين مختلفين علي حد القماش بهالشكل
ملاحظه: انا استخدمت كميه صغيره من الصمغ الابيض لتثبيت الشريطتين حتي يسهل علي الخياطه عليهم, ممكن تستغنو عنه وتستخدمو دبابيس



نشتغل علي الشرايط غرزه البطانيه من فوق ومن تحت  بلون مختلف عن الشريطه عشان تظهر الالوان بهالشكل



الخطوه الثالثه – التزيين
لعمل الجيب من الكروشيه نستخدم هالباترون ونعمل غرز حشو حوله لما نخلص

للوروود نستخدم هذا الباترون


غطاء الجيب اخذته من التنوره اللي قصيناها واستغنينا عنها و زينته فوق بشريطه
نقص قطعه من القماش لوضعها خلف الجيب وتركيبه بهالشكل



وللوحده نستخدم هالباترون  او اي باترون يعجبكم




بالنسبه للاسم كتبته بيدي بقلم القماش وطرزته بالخيط عادي, ممكن تستخدمو اي غرزه بسيطه
اخر شي نوزع الازره والولو والورود علي الشنطه وممكن طبعا تزينونها بالطريقه اللي تعجبكم وتظيفو اللي علي ذوقكم
ملاحظه: كل الاضافات من لولو وازرار وورود متوفره لدي زركشات باسعار مناسبه


الخطوه الرابعه – قاعده الشنطه
نقص قطعه قماش مستطيله تتناسب مع عرض الشنطه ونقص معها جوخ بنفس القياس ونخيطها حول الشنطه من الاسفل, ونقص قطعه قماش ثانيه بنفس القياس ونركها عجنب للبطانه
ماصورت الخطوه بس واضحه اعتقد بكون شكل القاعده بهالطريقه


الخطوه الخامسه – يد الشنطه
نعمل اليد كروشيه ونثبتها علي قطعه قماش ونركبها بالشنطه بحيث يكون القماش برا والكروشيه داخل بهالشكل ونزين مكان تركيب اليد باي شي تحبونه, انا حطيت هالفراشه الحلوه (متوفره لدي زركشات)


الخطوه السادسه والاخيره – البطانه
بهالخطوه نجيب قطعه القماش اللي تركناها علي جنب باول خطوه مع القطعه المستطيله بقياس القاعده
نخيط القاعده بالقماش ونركبها داخل الشنطه بهالطريقه بعد ما نكون ركبنا مغناطيس الشنطه وعملنا ثنيه علي داخل بالطرف الاعلى



الحين خلصنا وصارت عندنا شنطه حلوه وجميله من تنوره قديمه
وتسلم ايدكم وبالعافيه








ليست هناك تعليقات:

إرسال تعليق